常見問題

關於Balloon Party DIY Box💛

😃佈置做好可以維持幾耐?
唔計送嘅水晶氣球,自己做好嘅氣球佈置,常溫室內可以放置至少兩個星期仍然維持良好狀態, 橡膠氣球放戶外或太陽下暴曬等等原因都會容易令氣球霧化或者爆破,屬正常現象, 所以我哋建議大家想佈置保持耐啲最好放喺室內啦。
😃可以早一日拎嗎?

我哋建議客人Party當日或前一日拎比較好,因為通常附送兩個飛嘅水晶氣球,

早太多日拎嘅話就送唔到啦,氣球堅持唔到咁耐,而且當日拎的話我哋可以直接放上貨車送到party場地,你哋唔使自己拎去場地,比較方便輕鬆。

😃我都係怕辛苦,可唔可以搵返你地佈置?

當然可以,Cap圖喺WhatsApp同我哋落訂單就可以啦,會按返上門佈置價錢收費。

更多既私人訂製氣球佈置可以去我哋Instagram參考

😃送嘅兩個水晶氣球唔夠,我可以另外再買多啲飄空氣球一次過送貨嗎?

當然可以,直接喺WhatsApp同我哋溝通!

⭐️氣球飄浮時間參考⭐️
12寸橡膠氣球:約6~8小時
36寸橡膠氣球:約12小時
18寸鋁膜氣球:1天或以上
24寸水晶氣球:2天或以上

😃需要幾多日前預訂?

由付款當日開始計算,最保守係一個星期前預訂,但一般四至五日可以取貨,

如果有需要加急訂單,最快兩日可以取貨,加急印刷費$600起,視乎背景大小,可以向我哋詢問喔。

關於氣球禮品💛

😃 需要幾多日前預訂?

最保守係一個星期前預訂,但一般四至五日可以取貨,

如果有需要加急訂單,最快付款後兩日可以取貨,加急印刷費$500-$800,視乎背景板大細,可以向我哋詢問喔。

😃可以早一日拎或整定先嗎?可以維持幾耐?

所有氣球禮品,我哋都建議客人即日拎即日送出,包括車尾箱驚喜,都係即日整即日送出會比較保險。

因為氣球係消耗品,會慢慢漏氣的,而漏氣會直接影響氣球禮品嘅美觀同功能性,例如飛天銀紙,當氣球縮小左就會令到下面嘅錢飛唔起,直接影響咗成件產品嘅原意,而車尾箱驚喜內嘅氦氣球因為長期放喺車尾箱的話會容易爆,

因為車尾箱通常都比較熱,而且開車時撞來撞去都容易令到裏面氣球增加爆破機會,諸如此類的原因。

所以我哋只保證所有氣球禮品當日送出嘅完成品質量,過後無法保證及承擔責任。